Amapolisa enze inkqubela ekubulaweni kowayesakuba yiNtshatsheli yeOlimpiki yeHlabathi uJacques Freitag. Kubanjwe abarhanelwa ababini eMpumalanga malunga nokubulawa kwakhe.
Owayesakuba ngumdlali weOlimpiki uFreitag waalahleka kwinyanga ephelileyo waze kamva wafunyanwa eswelekile kufutshane namangcwaba aseZandfontein ePitoli West.
Wafunyanwa enamanxeba eembumbulu.
ISithethi samapolisa aseRhawutini uBrenda Muridili uthe aba babini babanjwe kwindlu yeendwendwe eSabie ngentsasa yangoLwesibini apho bebezimele khona.
Kwingxelo yangomhla weshumi (10) kweyeSilimela, i-SAPS ithe amapolisa aseHercules afumene izigunyaziso zokubamba uRudie Lubbe kunye noChantelle Oosthuizen ekukholelwa ukuba babeselubhacweni kulandela ukufunyanwa komzimba kaFreitag ngomhla wokuqala kweyeKhala.
Aba babini bazakuvela kwinkundla kamantyi yasePitoli kungekudala ngezityholo zokubulala kunye nokuceba ukubulala.
