By Anita Qubula
Kubanjwe intombazana yaseMzantsi Afrika eneminyaka engamashumi amabini ananye (21) ubudala xa ibisehla kwinqwelomoya esuka eSao Paulo, eBrazil ngentsasa yangeCawe.
Umrhanelwa uhlolwe ngeX-reyi waze wafunyanwa eneziyobisi ngaphakathi emzimbeni wakhe. Ukhuphe iziyobisi ezininzi zibhijelwe okweembumbulu.
Amapolisa athi sisihlandlo seshumi elinanye (11) ukubanjwa ngolu hlobo kwisikhululo seenqwelomoya i-OR Tambo kwisithuba nje seenyanga ezimbini.
Le meko ifana nesehlo seveki ephelileyo yokufunyanwa kweziyobisi kwisikhululo seenqwelomoya. Kukwanjalo, Intombi yaseNamibia yafunyanwa ineembumbulu ezingamashumi amathandathu anesibhozo (68) zeCocaine, zaze zenza i-850g, athe wayiginya. Ubekwe ityala lokuthengisa iziyobisi nokufunyanwa neziyobisi, kwaye wavela enkundleni ngoLwesithathu odlulileyo.