Ibutho lookhetshe eMpuma Koloni lithi owasetyhini waseGqeberha ubanjwe ngoLwesihlanu umhla wamashumi amabini anesine (24) kweyeKhala ngezityholo zobuqhetseba kunye nokuhlanjwa kwemali kwishishini elidumileyo lasekuhlaleni.
Isithethi seHawks, uLieutenant-Colonel Ndiphiwe Mhlakuvana, uthe ukubanjwa kwenziwe ngamalungu eqela labo eliPhando loLwaphulo-mthetho oluSerious Commercial Crime.
Uthe uKirsten Diener uvele kafutshane phambi kweNkundla yoMthetho eNtsha yaseGqeberha ngaloo mini inye.
UMhlakuvana uthe ukubanjwa kulandele uphando malunga nezityholo zokuziphatha gwenxa kwemali ezibikwe yiCity Paint and Tool.
Kuthiwa ezi zityholo zenziwe phakathi kwenyanga kaCanzibe ka-2024 noCanzibe ka-2026 kwaye inkampani “yachaphazeleka ngokwezimali” ngemali eyi-R3m.
Isithethi seHawks sithe lo wasetyhini uneminyaka engamashumi amane anesine (44) ubudala ugcinwe entolongweni kwaye kulindeleke ukuba afake isicelo sebheyile ngoMvulo umhlawashumi amabini anesixhenxe (27) kweyeKhala.
