Amapolisa aseMonti abambe igosa lomthetho kamasipala elineminyaka engamashumi amathathu (30) ubudala malunga nesiganeko sokudubula eQuigney ngoLwesithathu umhla wesixhenxe (7) kweyeThupha, esishiye kubhubhe abantu ababini(2), kwaze kwangxwelerheka indoda yesithathu (3).
Isithethi samapolisa uLieutenant-Colonel Siphokazi Mawisa, uthi umrhanelwa ubanjwe ngale njikalanga emva kokuba eye kwisikhululo samapolisa eFleet Street eyokubika ityala lobuqhophololo.
Nangona kunjalo, ngokwengxelo yeAlgoa, athe amapolisa amrhanela kwaye kuphando oluthe kratya amvalela eluvalelweni emva kokuba ebekwe kwindawo yexhwayelo.
Amapolisa athi ujongene namatyala amabini okubulala kunye nelinye lokuzama ukubulala emva kokuba imizimba yamadoda amabini (2) ifunyenwe ngaphakathi kwisithuthi ebesimise ecaleni kwehotele yaseQuigney.
Indoda yesithathu (3) ifunyenwe inamanxeba okudutyulwa ngaphakathi kwigumbi ababelibhukishile ehotele.
UColonel Mawisa uthi umrhanelwa uzakuvela enkundleni ngoMvulo umhla weshumi elinesibini (12) kweyeThupha