Kwiinzame zokunciphisa iziyobisi kwisitalato sase-Elliotdale, amapolisa abambe abarhanelwa ababini abaneminyaka engamashumi amabini anesithathu (23) kunye namashumi amabini anesihlanu (25) ubudala kunye neziyobisi ezixabisa i-R35 000.00.
Amapolisa aqalise iphulo ngoLwesithathu umhla wesine (04) malunga nemizuzu engamashumi amathathu emveni kwentsimbi yeshumi elinanye (11:30) ngelixa ebebambe uvimba wendlela eMatshamba Junction, e-Elliotdale. Babamba umrhanelwa ephethe iziyobisi, baqhubela kwindawo ahlala kuyo, e-Elliotdale, nalapho wabhengeza ukuba ezinye iziyobisi zigciniwe. Xa amapolisa esondela eyadini, abona enye indoda ephethe iplastiki.
Bammisa, yaye ngoxa kwakudliwan’ indlebe naye, akazange avume ukuchaza into awayeyiphethe, yaye Amapolisa agqogqa ingxowa yeplastiki. Ekugqogqeni ibhegi, baye bafumana inani elikhulu leziyobisi (umgubo we-Chrystal Meth neepilisi zeMandrax) ezikwixabiso lesitrato eliqikelelwayo ku-R35 000.00.
Uye wabanjwa ngoko nangoko umrhanelwa, yaye bobabini bamangalelwa ngokuba neziyobisi nokuthengisa iziyobisi. Aba bavele kwiNkundla kaMantyi yase-Elliotdale ngoLwesine, umhla wesihlanu 905) kweyoMnga 2024.
UMkomishinala wesithili saseAmathole uMajor General Ngangema Xakavu ukuthakazelele ukuphaphela kwala malungu xa ebevale indlela kwaye athe gqolo ukulandela iinkcukacha ezikhokelele ekufumaneni iziyobisi.
“Oku kuthumela umqondiso omandla kubathengisi beziyobisi wokuba amapolisa azakuqhubeka nokuphelisa iziyobisi ezitalatweni ngeli xesha leeHolide nangaphaya kwaye aqinisekise ukuba abenzi bobubi bavalelwe ngaphaya kwezitshixo,” utshilo uMaj Gen Xakavu.
