Isebe lezothutho eMpuma Koloni lithi abantu abahlanu babhubhile, abanye abalishumi bonzakele kwingozi yokungqubana okwenkuzi zegusha kweemoto ezimbini ngokuhlwa kwangoLwesithathu.
Isithethi sesebe lezothutho ephondweni u-Unathi Binqose, uthi le ngozi yenzeke ngentsimbi yesithandathu malanga kwindlela iSulenkama kuQumbu.
“Imoto yohlobo lweToyota Fortuna ebikhwele abantu ababini ebisuka kwicala laseSulenkama ingquzulane neToyota Quantum ebigcwele iphelele esuka kwidolophu yakuQumbu.
“Ubuncinci abantu abahlanu (3 ababhinqileyo kunye namadoda amabini) ebebekhwele kwimini-bus taxi, kuquka nomqhubi, babhubhele kwindawo yexhwayelo,” utshilo.
UBinqose uthi abonzakeleyo, abaquka abo bakhwele iFortuna kunye nabakhweli abasibhozo kwimini-bhasi, basiwe kwisibhedlele iSulenkama neNelson Mandela Academic Hospital eMthatha ukuze bafumane unyango.
Iimeko ezijikeleze unobangela wale ngozi azikaziwa okwangoku.
UBinqose uthi ityala lokubulala ngokungenanjongo livuliwe kumapolisa akuQumbu.
