Igosa lezendlela eMpuma Koloni lisweleke kwingozi yemoto emanyumnyezi kuhola wendlela u-N2 eKinkelbos ngaphandle kwaseNelson Mandela Bay.
Isebe lezothutho eMpuma Koloni lisiqinise esi sehlo ngoLwesibini.
Isithethi seli Sebe, u-Unathi Binqose, uthe amagosa kunye nabacebisi basasazwe kwindawo yexhwayelo ukuze banike inkxaso kwabo banokuthi bayibonile le ngozi.
Uthe abaphandi babo bazakujonga iimeko ezijikeleze le ngozi.
Kusenjalo, isithethi samapolisa uKapteni Marius McCarthy, uthi igosa lezendlela elineminyaka engamashumi amane anesithathu libhengezwe njengelibhubhele kwindawo yexhwayelo.
Ukwathe umqhubi weloli ubanjiwe wavalelwa kwisikhululo samapolisa saseKinkelbos.
Igama legosa elibhubhileyo alikachazwa.