Amapolisa akwinkampi yaseBridge aqalise ugqogqo kulandela iinzame zokubulala nokuphanga kwifama yaseGwatyu ngaseCofimvaba. Esi siganeko senzeke ngeCawe umhla wamashumi amabini ananye (21) kuTshazimpuzi.
Isithethi samapolisa uKapteni Namhla Mdleleni uthe kurhaneleka ukuba malunga ngezithuba zentsimbi yesixhenxe ngalomhla, inkonde eneminyaka engamashumi asixhenxe anesine (74) ubudala belimanxada-nxada liqokelela impahla yalo ngethuba amadoda amane axhobileyo ambonzeleka eyadini yakhe efuna imali kuye.
“Bangene endlini yakhe bathatha umabona kude, bathe xa bephuma bamdubula emlenzeni,” utshilo uMdleleni. UMdleleni uthi abarhanelwa babaleke ngokukhawuleza kwindawo yexhwayelo besebenzisa isithuthi sakwaSuzuki esisiliva-grey
“Ixhoba lisiwe kwisibhedlele esikufutshane ukuze lifumane unyango. Amapolisa abizelwe kwindawo yexhwayelo, kwaza kwavulwa ityala lokuzama ukubulala kwakunye nelokuphanga ukuze kuqhutyekwe nophando.
Kucelwa nabani na onokunceda amaPolisa ekukhangeleni abarhanelwa ababandakanyeka kolu lwaphulo-mthetho ukuba aqhagamshelane noMcuphi uSajini Vuyani Pitoli weBridge Camp yamapolisa ku-047 875 0056/082 441 9184 okanye inombolo yethu ye-SAPS Crime Stop 08600 10111.
