By Anita Qubula
Ezinye iindaba ezimnandi kubaqhubi beemoto, zezokuba ixabiso lepetroli liyehla ukusukela ngoLwesithathu.
Omabini amabanga epetroli azakuhla ngeshumi elinesihlanu (15) leesenti ilitha, logama ixabiso ledizili lehla nge-17 ukuya ku-28 yeesenti ilitha.
Ixabiso leParafini lizakwehla ngeesenti ezingamashumi amabini anesibini (22 cent) ilitha.
ISebe leMithombo yeziMbiwa naMandla lithi isiqabu sibangelwa ikakhulu kukuqina kweRandi xa ithelekiswa neDola yaseMelika.
