By Siphiwo Boqwana.
Kudlala amagqibela kankqoyi omdlalo wombhoxo kumabala iNelson Mandela Bay eGqeberha kweliphondo leMpuma Kapa ngomhla weshumi elinesihlanu (15) kulenyanga yoKwindla ngoMgqibelo ezintsukwini kumdlalo we-Super14 ngentsimbi yeshumi elinesibini (12) emini-maqanda.
Kwangalemini kwelibala linye, kuzakube kukho umdlalo omkhulu wosuku nalapho kuzakube kuqubisana oongangendlovu i-EP Elephants nee-Pumas ngentsimbi yesithathu (15h00) emva kwemini, bona bazakube bedlala kwindebe ebizwa ngokuba yi-SA Cup.
Iziphumo zamandulela kamagqibela kankqoyi kwi-Super 14 i-Fort Beaufort United Rugby Football Union itywatyushe i-Trying Stars Rugby Football Union ngamanqaku alishumi elinesihlanu kwishumi elinesithathu (15-13), mdlalo lowo ubudlalelwa kwaMaqoma.
Kumdlalo wesibini i-Progress Rugby Football Union yabhaxabula i-Selbornians Rugby Football Union ngamanqaku angamashumi amane anesixhenxe kumashumi amabini ananye (47-21) nobudlalelwa kumabala aseTinarha nesele ibizwa nge-Kariega ngoku kwi-Central Field.
