IYunivesithi yaseFort Hare ithi kuzakubakho ukushukuma kwezokhuseleko kulandela ukubulawa komfundi owenza unyaka wesithathu ngoontanga bakhe kwikhampasi yabo yaseDikeni ngempelaveki.
Lomfundi ubhubhileyo utyholwa ngokuba ilaptop yoontanga phakathi kwezinye izinto. Iyunivesithi ayikhange ikhuphe isazisi salo mfana, nangona kunjalo, abafundi abathandathu babanjiwe malunga nohlaselo kunye nokuhlatywa kwabantu. Isithethi saseFort Hare uJP Roodt uthi abaphathi abaphezulu baza kubamba iindibano zovakaliso-zimvo malunga nokhuseleko lwabo, oonogada, kuquka nabasebenzi ukuze baqonde ukuba kwenzeke njani na ukubulawa ekhampasini kwanokuba abezokhuseleko bebengazuli njani.
I-SRC yeYunivesithi kwingxelo igxeke “ukubulawa kabuhlungu nobundlobongela komfundi owachongwayo nophantsi kweenkqubo zenkundla ngenxa yobusela ekhampasini.” Bavakalise inkxalabo malunga nempendulo yokhuseleko ngexesha lesi sehlo, becela abaphathi beyunivesithi ukuba baqinise amanyathelo okhuseleko ukunqanda iziganeko ezinje ukuba zenzeke ukuya phambili.
Ngelixesha, uRoodt uthe abanakuburhoxisa ubukho bento ebizwa ngokuba “yi-shadow economy” apho izixhobo zombane zibiwa kwaye zithengiswe. Aba bafundi bathandathu babanjwe kwaye bavele kwinkundla kamantyi eDikeni, ebesakuba yiAlice, ngoLwesine kwaye nabo banqunyanyisiwe kuba belindele ukuxoxwa kwamatyala oluleko lwangaphakathi.
Baneminyaka ephakathi kwamashumi amabini ananye nama-25 ubudala kwaye kulindeleke ukuba bafake isicelo sebheyile ngomhla wamashumi amabini anesithathu kweyeDwarha