Umdlalo weBafana Bafana neeSuper Eagles ubunobunzima kuwo omabini (2) lamaqela kunjalo nje ebefuna omathathu (3) amanqaku.
Lomdlalo uphele lamaqela edlale ntanganye ngenqaku elinye macala (1-1) nalapho iNigeria ibiyiyo ehlinzeka umdlalo kwidolophana iUyo kumabala iGodswill Akpabio ngoLwesihlanu umhla wesixhenxe (07) kweyeSilimela.
Iqela laBafana liqale ngokunqenqeza phambili kwisiqingatha sokuqala somdlalo, eli nqaku lifakwe nguThemba Zwane weMamelodi Sundowns. Zibuyile iiSuper Eagles ngethuba uFisayo Dele-Bashiru efaka inqaku lokulinganisa nje emva kwisiqingatha sokuqala kwisiqingatha sesibini somdlalo.
Xa kungoku nje iBafana Bafana idlale imidlalo emithathu (3) yaphumelela umdlalo wamnye (1), yabethwa komnye (1) yaze yadlala ngokulingana komnye (1).
Yona iNigeria idlale ngokulingana kuyo yomithathu (3) imidlalo esele iyidlalile. IBafana ibethwe yiRwanda ekuhambeni ngamanqaku amabini eqandeni (2-0) baze babetha iBenin ekhaya ngamanqaku amabini kwelinye (2-1).
Umdlalo olandelayo weBafana Bafana ungoLwesibini umhla weshumi elinanye (11) kule imiyo inyanga. Lomdlalo uzakudlalelwa kwiphondo laseFreystata kumabala iFree State.
Yona iSuper Eagles izakudlala neBenin kumdlalo olandelayo nozakuba sekuhambeni eBenin ngoMvulo umhla weshumi kule imiyo inyanga. Kwakolu Luhlu C, iLesotho izakudlala neRwanda emva kokubetha iZimbabwe.
By Siphiwo Boqwana
