13.2 C
King William's Town
Saturday, April 6, 2024

Ufake isicelo sebheyile umthengisi wemipu eGqeberha

Umthengisi wemipu waseGqeberha obekwe ityala lobusela yemipu ye-9mm uphehlelele kwinkundla kamantyi isicelo sakhe sebheyile ngoMvulo.

UKaren Webb, oneminyaka engama-47 ubudala, ungumnikazi weWebb Arms & Indoor Shooting Range eWalmer.

Urhulumente utyhola ukuba unxulumene nokubiwa kwemipu elishumi eyalahleka kwisitokhwe sika-Aquila Arms ngelixa zazigcinwe kwindawo yakhe.

Ukwajongene nezityholo zokuqulunqa imipu ngokungekho mthethweni kumaziko olwaphulo-mthetho kunye nokulahlekelwa yimipu ngokungakhathali.

Ngokutsho kwamapolisa, ukubanjwa kwakhe kuyinxalenye yophando oluqhubekayo malunga nendlela imipu eye yafunyanwa ngayo kwimigulukudu kwimimandla esemantla yesixeko nakwamanye amaphondo.

Igqwetha likaWebb, uDries Breytenbach uxelele inkundla ukuba ishishini lakhe eWalmer livaliwe okwangoku nanjengoko engazange asivuselele isivumelwano sakhe sokuqeshisa, kodwa usenayo ilayisenisi yokurhweba ngokoMthetho weMipu.

UBreytenbach uthe umnini we-Aquila Arms, uChris Evans, wayegcine imipu kwindawo kaWebb, ngaphandle kokumnika uluhlu lwezixhobo zemipu.

Wakhanyela ukuba wayenaso isitshixo sokufikelela kwindawo yokugcina impahla eyayiqashwe nguEvans.

Ngokwezokhuselo iipistol ezilishumi ze-Glock ekutyholwa ukuba zibiwe, zanikwa iWebb endaweni yentlawulo yemali yokugcina irenti.

UWebb, ongenazigwebo zangaphambili, ucinga ukuba ityala lokuqulunqa imipu ngokungekho mthethweni, kutyholwa ngamaqumrhu olwaphulo-mthetho, “yayingacacanga”.

Ebeka iimeko zakhe zobuqu phambi kwenkundla, uBreytenbach uthe wayengoyena mntu ukhathalela umntwana wakhe omncinci kwaye wayejonge umama wakhe owayenestroke.

Kusenjalo iingxelo zithi Akayi kuba ngumngcipheko wokubaleka, akayi kuphazamisana namangqina karhulumente, akayi kulubeka emngciphekweni ukhuseleko loluntu, kwaye ukulungele ukunikezela ngencwadana yakhe yokundwendwela namanye amaxwebhu okuhamba.

UBreytenbach uqhube wathi uWebb akakwazi ukufikelela kuyo nayiphi na into engqinayo kwaye ukuqhubeka kwakhe evalelwe kumbangela ukuba asokole ngokwezimali.

Igqwetha likarhulumente uLiezel Landman ucele inkundla ukuba ihlehliswe ukuze iqinisekise iiprofayili zikaWebb.

ULandman uphinde wafuna ixesha lokufunda ngolwazi oluthiwe thaca enkundleni ngabakhuseli.

Urhulumente uyayichasa ibheyile.

Ityala lihlehliselwe umhla wamashumi amabini ananye kweyoMdumba.

Ezibufana Indaba

Newsletter Subscription

- Advertisement -

Stay Connected

129,556FansLike
1,513FollowersFollow
66FollowersFollow
0SubscribersSubscribe
King William's Town
moderate rain
13.2 ° C
13.2 °
13.2 °
95 %
1.5kmh
100 %
Sat
14 °
Sun
17 °
Mon
19 °
Tue
23 °
Wed
17 °

EZITHANDWAYO INDABA

Enable Notifications OK No thanks