Usomashishini oneminyaka engamashumi amane anesithoba (49) ubudala udutyulwe wabhubha ngaphandle kwephabhu edumileyo eQonce ngoLwesibini umhla wesithathu (3) kweyoKwindla.
Isithethi samapolisa uBrigadier Nobuntu Gantana uqinisekisile ukuba kuvulwe ityala lokubulala
Esi siganeko senzeke malunga nentsimbi yeshumi elinesibini.
Ngokweengxelo zokuqala, ixhoba beliphuma kwintlanganiso lisiya emotweni yalo, ebeyipakwe ngaphandle kwephabhu yasekuhlaleni kunye nendawo yokoja inyama
Kuthiwa amadoda amabini axhobileyo asondele kuye aza avulela ngothotho lweembumbulu
UGatana uthi ixhoba lifumene amanxeba kwaye libhengezwa njengelibhubhileyo kwindawo yesiganeko.
Abadubuli babaleke ngeenyawo emva kokudubula.
Isizathu sokubulala asikaqinisekiswa kwaye siyinxalenye yophando oluqhubekayo.