By Asemahle Mbete.
Ukwandiswa kwesikhululo seenqwelo-mafutha kwizibuko laseMonti kubonwa njengotyalo-mali oluza kukhulisa uqoqosho lwengingqi yaseBuffalo City eMpuma Kapa. Itheminali iya kubamba iinqanawa ezimbini kumgama oziimitha ezingama-200 owolula nokulayisha izithuthi ezithunyelwa kumazwe angaphandle nangaphandle. Ngaphambili, inqanawa enye kuphela ibinokulayishwa ngenxa yemingeni yomthamo.
Umanejala wezibuko laseMonti, uSphiwe Mthembu uthi oku kuvula iingcango zemisebenzi edingeka kakhulu.
“Lo nto ithetha ukuba izibuko laseMonti liyakwazi ukuthwala iinqanawe ezimbini ezinkulu, abo bathutha iimoto xa befika echwebeni bafikelwa bubuxhakaxhaka bemeko yezoqoqosho ngokubhekisele kubantu abaza kube besebenza ngemithwalo kwezo iinqanawe zimbini ziza kuthi zifakwe echwebeni, izigaba ezinkulu ngokudala amathuba emisebenzi,” utsho uMthembu.
