By Anita Qubula
Amapolisa eMpuma Koloni angqinile ukuba iNkulumbuso uOscar Mabuyane uvule ityala lolwaphulo-mthetho kwikumkani yabaThembu uBuyelekhaya Dalindyebo. UMabuyane uthi uvule ityala ngakuDalindyebo ngenxa yeentetho zakhe zokuba uMabuyane uxhamle kwimali yokhuseleko.
UDalindyebo ebethetha nabahlali baseMthatha West kwiiveki ezintathu ezidlulileyo, emva kokuvalwa kwesikolo kule ndawo ngenxa yezityholo zokurhwaphiliza.
Isithethi samapolisa uSiphokazi Mawisa uthi, “Amapolisa ayaqinisekisa ukuba iNkulumbuso yaseMpuma Koloni ivule ityala lolwaphulo-mthetho kwisikhululo samapolisa eBhisho”
