Umasipala waseRaymond Mhlaba ubambene ngezandla noMasipala weSithili sase-Amathole kunye neNkonzo yamaPolisa oMzantsi Afrika ukwenza uhlolo kwiivenkile e-Adelaide.
Umasipala waseRaymond Mhlaba, uMasipala weSithili sase-Amathole, kunye neNkonzo yamaPolisa oMzantsi Afrika baqhube uhlolo e-Adelaide ngomhla wama-27 kweyeDwarha ka-2023.
Injongo yokuhlola i-patrol kukuqinisekisa ukuba abathengisi bendawo banikezela abathengi ngokutya okukhuselekileyo nokusemthethweni. Noko kunjalo, oko bakufumanisileyo akuncumisanga konke konke. Iingxelo zithi kubekho iivenkile ezininzi kwindawo ekufutshane ezithengisa ukutya okungafakwanga magama, nokutya okuphelelwe lixesha.
Ukanti ukutya okungekho mthethweni nokuphelelwe lixesha zibeka umngcipheko wezempilo kubathengi, kwaye zonyusa inkunkuma yokutya. Kusenjalo Ngokuchaseneyo, iimveliso ezingaphawulwanga zinike ubunzima ukuba abasemagunyeni balandele umkhondo kwimeko kaxakeka yezempilo kuba azibonakali ngokukhawuleza.
Abasemagunyeni bahambe ngokukhawuleza emva kokufunda ngezi zinto ezikumila kunje ziqgqugqisa kwei. Iivenkile ezifunyenwe neziphene zinikwe umyalelo wokuba zikhuphe iimpahla ezingaphawulwanga neziphelelwe lixesha ngoko nangoko.
Abasemagunyeni baye bahlawulisa abanini-venkile kwaye babazisa ngokubaluleka kokulandela izikhokelo zokhuseleko lokutya. Bakwathembise ngokutyelela le ndawo rhoqo ukuze bajonge ukuba iyathotyelwa na imiqathango.
Abasemagunyeni bathi Inqanaba elibalulekileyo ekuqinisekiseni ukhuseleko kunye nentlalo-ntle yabathengi yi-patrol yokuhlola.
