By Nyameka Lamani.
Ngomhla wamashumi amabini anesithathu (23) kweyeKhala 2025, uMasipala weSithili saseAmathole (ADM), ngokubambisana neBhodi yaManzi aseAmatola kunye noMasipala waseNgqushwa, babambe uthethathethwano olunemveliso nabahlali beLali iBell kwaWadi 5, eHamburg.
Ngomhla wamashumi amabinu anesithathu (23) kweyeKhala 2025, uMasipala weSithili saseAmathole (ADM), ngokubambisana neBhodi yaManzi aseAmatola kunye noMasipala waseNgqushwa, babambe uthethathethwano olunemveliso nabahlali beLali iBell kwaWadi 5, eHamburg, njengenxalenye yomboniso wendlela yesicwangciso soPhuhliso esihlanganisiweyo (Post-Integrated Development Plan-IDP). Le seshoni igxininise ekujonganeni nemingeni engundoqo yokunikezelwa kweenkonzo, ingakumbi ukunqongophala kwamanzi.
USodolophu woMasipala waseNgqushwa, uCeba Sanga Maneli, uvule intlanganiso ngokuqaqambisa imiba ephambili enefuthe lonikezelo lweenkonzo ingakumbi umthamo weziseko ezingundoqo kunye nokufakelwa kwamanzi ngokungekho mthethweni.
“I-Bell Village ixhomekeke kwidama elibonelela le wadi neendawo ezingqongileyo, nangona kunjalo, ukudityaniswa ngokungekho mthethweni, ukwanda kwemfuno, kunye nokungonelanga kolondolozo lwamanzi kuye kwawenza nzima umthamo wawo,” ucacise watsho uManeli. Uqinisekise abahlali ukuba amanyathelo ethutyana afana nokwabiwa kwamanzi akhona ukuphungula umthwalo lo gama kuphuhliswa izisombululo zexesha elide.
UMphathi kaMasipala waseADM, uGqirha Bhekisisa Mthembu, unike ingcaciso ngemingeni yobugcisa “Umbhobho odibanisa iCrossroad, Bell, kunye neBodium wawuyilelwe ukuba kusetyenziswe imibhobho kawonke-wonke.
Ukukhawulelana nale miba, iADM, iAmatola Water kunye noMasipala waseNgqushwa bathembise ukuphumeza izisombululo ezizinzileyo, eziquka ukuphuculwa kwesiseko semibhobho ukuze kuphuculwe uxinzelelo lwamanzi nokuqinisekisa ukuhanjiswa ngokulinganayo kwindawo yonke.
