Isithethi sikamasipala wesithili saseAlfred Nzo uLixolile Petela ungqinile ukuba akukabikho thamsanqa lokulungisa ikhasi labo lonxibelelwano likaFacebook eyabiwa ngomhla wamashumi amabini anesibini kuTshazimpuzi.
UPetela uthe le akhawunti igqekeziwe ngumntu ongaziwayo kwaye lo mfo uxelayo ngoku uthumela izinto ezingcolileyo nezikhubekisayo kwikhasi labo.
“Oku kuqale ukwenzeka ngomhla wamashumi amabini anesibini kwinyanga kaTshazimpuzi, kwaye amagcisa kamasipala ajongana nomsebenzi onzima wokulandela umqhekezi nokusombulula lo mba,” uthethe watsho uPetela.
Ukwathe okwangoku, uMasipala uwuchaze lo mba kuFacebook ngesicelo ngokwaso sokufaka uyalelo wasekhusi nange-imeyile ebhalwe ngqo kwikomkhulu leMeta.
UPetela uthe kufanele kuqatshelwe ukuba iMeta (eyayifudula isaziwa ngelika Facebook) inexesha elijikayo ukuya kutsho kwiintsuku ezingamashumi amabini ananye (21) ukusombulula lo mba kwaye kude kube lelo xesha, abanako ukususa izinto ezingcolileyo njengoko umgebenga ekhankanyiweyo elususile ulawulo lukaMasipala kwiphepha.
“Siyayiqonda into yokuba umxholo ungakhubekisa kubabukeli kwaye uyamkhathaza umasipala njengoko ungcolise igama leziko, nangona kunjalo akukho nto ingako siyenzileyo ukuza kuthi ga ngoku.
Uthe banethemba lokusonjululwa ngokukhawuleza kwalo mba nguMeta kwaye bacela uxolo ngayo nayiphi na inkxamleko ethe yabakho.
