UMkomishinala wamaPolisa KwaZulu-Natal uLieutenant-General Nhlanhla Mkhwanazi ukhokela ugqogqo kwizakhiwo eziqweqwedisiweyo kunye nabaphambukeli abangenazo iimpepha kumbindi waseThekwini.
Amagosa abambe abaphambukeli abangaphezulu kwe-120 ngokungekho mthethweni.
Isithethi samapolisa ephondweni uRobert Netshiunda uthi, “Eli liphulo lidityanisiweyo lijolise kwizakhiwo eziqweqwedisiweyo ngabemi bangaphandle. Siqaphele ukuba uninzi lolwaphulo-mthetho lwenzeka apha.”
“Sibambe abantu basemzini abangekho mthethweni saza sakhwela kwisakhiwo, umntu walahla ibhegi ezele ziidola zomgunyathi. Sikwabambe umrhanelwa obefunelwa ityala lodlwengulo eMlazi kwaye siyayivuyela into esiyibambileyo ukuza kuthi ga ngoku,” wongeza uNetshiunda.