UMzantsi Afrika lulawulo lwentando yesininzi olusekelwe kumgaqo-siseko oluzinze nzulu kulawulo lomthetho, ubulungisa kunye nokulingana. Urhulumente woMzantsi Afrika akawuhluthanga umhlaba.
UMongameli Cyril Ramaphosa kwimbalelwano ephendula amabango enziwe nguMongameli waseMelika, uDonald Trump, uthi umthetho wokuThatha umhlaba osandul’ ukwamkelwa ayisosixhobo sokuhluthwa, kodwa yinkqubo yomthetho egunyaziswe ngokomgaqo-siseko eqinisekisa ukufikelela koluntu kumhlaba ngendlela enobulungisa nesesikweni njengoko ukhokelwa ngumgaqo-siseko.
UMzantsi Afrika, njenge-United States of America namanye amazwe, ubusoloko unemithetho yokuhlutha umhlaba elungiselelwe imfuno yokusetyenziswa komhlaba luluntu kunye nokukhuselwa kwamalungelo abanini-mihlaba.
“Sijonge ngethemba lokuthethathethana nolawulo lukaTrump malunga nomgaqo-nkqubo wethu wokubuyiselwa komhlaba kunye nemiba enomdla wamazwe amabini. Siqinisekile ukuba kolu thethathethwano, siya kwabelana ngolwazi olungcono nolufanayo ngale miba,” utshilo uRamaphosa.
“I-US ihleli ilihlakani eliphambili kwezopolitiko nezorhwebo kuMzantsi Afrika. Ngaphandle koNcedo lwePEPFAR, eyenza i-17% yenkqubo ye-HIVAids yaseMzantsi Afrika, ayikho enye inkxaso-mali ebalulekileyo ebonelelwa yi-United States eMzantsi Afrika.”
