Unikwe ibheyile yamawaka alishumi (R10 000) umsebenzi weDyunivesithi iWalter Sisulu (WSU) otyholwa ngokudubula abulale umfundi ngexesha lombhodamo ekwindawo yokuhlala yeli ziko.
Oku kulandela ukuvela nje kwale ndoda ineminyaka engamashumi amahlanu anesine (54), kwinkundla kamantyi eMthatha, eMpuma Kapa namhlanje.
Esi sigwebo siza emva kokuba inkundla iphulaphule iingxoxo zokuvala eziphuma kurhulumente nakwinkundla yezokhuselo.
Umrhanelwa utyholwa ngokudubula umfundi oneminyaka engamashumi amabini anesine (24) ubudala, uSisonke Mbolekwa, logama abafundi ababini bonzakele kuqhankqalazo lokukhala ngemeko embi yokuhlala kwiindawo ezingekho mgangathweni.
Abafundi baphume bephoxekile enkundleni, logama umantyi ebefunda imiqathango yebheyile.
