Usapho lwasebukhosini lwamaXhosa luthi luza kulwela ukukhusela ubukhosi babantu baseMpuma Koloni nakwimimandla yamaXhosa.
Uluntu lwakumasipala oMbaxa waseBuffalo City luhamba ngokuchasene nokumiselwa kweKumkani yama-Igbo yaseNigeria eKuGompo ngaphandle kwemvume.
Oku kulandela iividiyo ezisasazwe kumaqonga onxibelelwano oluntu ezibonisa umsitho wokumiselwa kweKumkani wama-Igbo owawubanjelwe kwisixeko ekuqaleni kwale nyanga, nto leyo ebangele ingxolo.
Inkosi yosapho lwasebukhosini uXhanti Bambilizwe Sigcawu uthi balapha ukuze benze uphawu kwaye bacele ukuba kuthathwe amanyathelo asemthethweni.
USigcawu ethetha nabeendaba be SABC uthi, “Akwamkelekanga konke konke, asinakuvumela ubukhosi bethu ukuba bunyanzelwe ngumntu, singaqondisi oku kubantu baseNigeria. Ke ngoko, sixelela wonke umntu kwihlabathi liphela ukuba azi ukuba lo ngummandla wase-Obakosa kwaye akukho mntu ufanele awunyanzele loo nto.”