Usekela Mongameli weEFF uFloyd Shivhambu ngoLwesithathu umhla weshumi elinesixhenxe, utyelele umasipala waseNgqushwa ukuyojonga inkqubela phambili yalombutho kwiiwadi ezilishumi elinambini abasebenza kuzo.
UShivhambu kutyelelo lwakhe udibene nabaxhasi bamabhareth’abomvu abathe kratya umakhulu amabini kwiholo yoluntu ePeddie Extension apho umququzeleli wewadi nganye ebenika ingcaciso kwindlela esele eyihambile ukusukela kweyoMqungu ukuzokuthi ga kuTshazimpuzi. Imiba ebiphambili kwingxelo yabo kukunika amanani abantu abasele bebahambele ezindlini, zingaphi izikhululo zokuvota kwi wadi nganye, kwakunye nokuba bangaphi abantu esele bebhalisele ukuvota nabakulungeleyo.
Ngaphambi kokugaleleka kuka sekela Mongameli ngenjikalanga langa yangoLwesithathu, umnxibelelanisi okwanguceba kwingingqi yaseNgqushwa uSimthembile Khala, uqale ngokulumana indlebe nabaxhasi bamabharethabomvu, bexovula imiba abathi badibane nayo xa beququzelela kwiiwadi.
Umba obutshotsh’entla kwiEFF nobonakala njengomqobo kumsebenzi wabo, ibingumba wokungabinazo izixhobo zokusebenza ezifana nezithuthi u
zokungena kwiiwadi, izikipa zeEFF phakathi kwezinye.
Kudliwanondlebe lwethu nosekela Mongameli uShivhambu, uthe umba wemali kumbutho weEFF ingumba otshisa ibunzi kuba abanabaxhasi koko baxhomekeke koosomashishini kunye namathanda-zwe anentshisekelo. “Siyazama ukuncedisa abantu ingakumbi abasemaphandleni apho sinokuncedisa khona, kodwa sisengumbutho osakhulayo”
Usekela Mongameli weEFF uFloyd Shivhambu ngoLwesithathu umhla weshumi elinesixhenxe utyelele umasipala waseNgqushwa ukuyojonga inkqubela phambili yalombutho kwiiwadi ezilishumi abasebenza kuzo.
UShivhambu uthi ukuba abantu bangavotela lombutho yonke into equlathwe ngumqulu wezithembiso zeEFF ungazaliseka kwaye abantu bangabona utshintsho.
