Umphathiswa wezokhuselo kunye namagqala omkhosi uAngie Motshekga uzakusebenza njengomongameli obambeleyo ngoMgqibelo njengoko umongameli uCyril Ramaphosa kulindeleke ukuba azimase ingqungquthela yeSadc eZimbabwe.
URamaphosa uza kuba kutyelelo lomsebenzi eHarare namhlanje ukuya kuthatha inxaxheba kwiNgqungquthela yeSiqhelo yamasbumi amane anesine (44) yeeNtloko zaMazwe nooRhulumente bommandla weSadc, sitshilo isithethi sikamongameli uVincent Magwenya.
UMotshekga ufungiswe njengomongameli ngolu suku yijaji ephumayo uRaymond Zondo. Ukanti uMagwenya uthe uRamaphosa sele efikile eHarare ukuza kuphawula hayi nje isikhumbuzo seminyaka engamashumi amathathu (30) semkululeko yeli lizwe kodwa kwaneminyaka engamashumi amathathu (30) eli lizwe lingamalungu kwaye lithatha inxaxheba kwiSadc.
“URamaphosa uzakuthatha inxaxheba kwiingxoxo ezimalunga ne-ajenda yale ngqungquthela eziquka ubume begalelo lelizwe elililungu, ukhuseleko lokutya nesondlo kwingingqi, ubume bezempilo kulo mmandla, ukuphunyezwa kwesicwangciso-qhinga seSadc sokwenziwa kwemizi-mveliso kunye nemephu yendlela kwakunye nabagqatswa ukuba bangenelele. imibutho yelizwekazi nehlabathi,” utshilo uMagwenya.