Owayesakuba lilungu leKomiti eLawulayo ye-African National Congress (ANC) uTony Yengeni, nobemele Owayesakuba ngumongameli welizwe uJacob Zuma kwiingxoxo zoluleko, uthi inkqubo yokugxothwa kukaZuma kulo mbutho yayinempazamo.
Uthi zininzi izizathu zokubhena kwisigqibo sokugxothwa kukaZuma. UYengeni uthi ayisosiphelo sendlela kaZuma.
Uye wema kancinci eqinisekisa ukuba uZuma uzakubhena kodwa wathi uzakulinda umyalelo xa ufika.
Uqhube wathi uNobhala Jikelele weANC uFikile Mbalula uzame ukumoyikisa ngokumthumelela imiyalezo eyoyikisayo ngethuba kuqhutywa inkqubo yekomiti yoluleko kuzwelonke ejongene noZuma. Ukanti owayesakuba ngumongameli uJacob Zuma uneentsuku ezingamashumi amabini ananye (21) zokubhena.
Ethetha nabeendaba zeSABC uYengeni uthi ngaphandle kokubonisana nowayesakuba ngumongameli ukusuka kwintlanganiso yenyama ukuya kwintlanganiso yenyani wathatha ukuba baphazamisana namalungelo akhe njengelungu le-ANC evumelene nentlanganiso, emva koko watshintsha waba yinto yenyani. Uthi Ngethuba uMbalula wayebhalela i-DC ileta esithi kungenxa yezizathu zokhuseleko phambi konyulo mhlawumbi abantu baya kuyiqonda loo nto kodwa emva kwexesha lonyulo yeyiphi imiba yokhuseleko ekhoyo yokumisa intlanganiso ebonakalayo. Ukwathe uZuma ebefuna ukudibana nabo ngokwenyama, abajonge emehlweni atsho ukuba yintoni na le, esithi ke mayixoxwe le nto ngamaqabane kodwa bamvimba elo thuba. “Ngoko ke, uluvo lwakhe kukuba olu dliwano-ndlebe lwaludluliselwe kumehlo kodwa isigqibo sele sithathiwe kudala sokuba makagxothwe,” utsho uYengeni.
