By Karabo Zwane
Umongameli woMzantsi Afrika, uCyril Ramaphosa, kulindeleke ukuba anike intetho yobume be Sizwe (SONA) ngoLwesine, umhla we-12 kweyoMdumba.
Intetho yakhe Iza kuqala ngentsimbi yesi-7 ngokuhlwa, kwindibano edibeneyo yeNdlu yoWiso-mthetho.
URamaphosa uza kulisebenzisa eli thuba ukucacisa izicwangciso eziphambili kurhulumente, nemigudu eza kuthatyathwa kulo nyaka ukuphucula uqoqosho namanye amacandelo ekuquka kuwo Amanyathelo angqingqwa ngakwezesipolisa nokhuseleko.
Kananjalo kukwalindeleke ukuba ajonge inkqubela esele yenziwe ukusukela kwintetho yakhe ka-2025, kuquka nophunyezo lweSicwangciso ebezimiswe ngaphambili.
