I-NPA isichase ngempumelelo isicelo sebheyile sikaVuyani Khahlana kwinkundla kamantyi yaKwaMaqoma (eBhobhofolo).
UVuyani Khahlana ubekwe ityala lokubulala nokuthintela ubulungisa bezomthetho. UKhahlana, obesakuba ngumsebenzi weSebe lezaBasebenzi eMaqoma, utyholwa ngokwenza eli tyala efihla ubungqina ngokungcwaba umzimba kamfi kwingcwaba elingekho nzulu.
Inkundla ivumelene neenkxalabo zombuso malunga nokungenelela kukaKhahlana kumangqina kuquka nokugrogrisa ubomi beGosa loPhando. Ukongezelela, ukurhoxa kwakhe emsebenzini nokungabi nazi meko zikhethekileyo, kube negalelo ekukhatyweni kwebheyile.
UKhahlana utyholwa ekunye noSakhumzi Mhaga, isoka likamfi, owasilahlayo isicelo sakhe sebheyile.
Ityala lihlehliselwe umhla we-12 kuSeptemba 2024, ukuze kuqhutyekwe nophando.
