ZIGQITHE NOMPHEFUMLO WENTWAZANA ESELULA IZANDYONDYO ZEMVULA EMPUMA KOLONI
Umasipala waseMakana uthumela amazwi ovelwano olunzulu kusapho
womfundi oneminyaka elishumi elinesine (14) ubudala weBanga lesibhozo (Grade 8) eMary Waters othe umzimba wakhe wafunyanwa e
Kowie stream ngomhla wamashumi amabini anesihlanu (25) kweyoMdumba ka2026.
Umasipala waseMakana, okhokelwe nguSodolophu oLawulayo uCeba Yandiswa Vara, undwendwele
usapho ukubazisa ngeenzame zokumkhangela kunye noku
bathuthuzele ngeli xesha.
Umasipala waseMakana ebethethathethana nabachaphazelekayo kwiinzame zokuqinisa
imisebenzi yokukhangela kunye nokuhlangula
ngexesha lesehlo, akufumana ulwazi lokuba ixhoba lalizama ukuwela umlambo iKowie endleleni esuka
esikolweni ngoLwesibini, umhla wamashumi amabini anesine (24) kweyoMdumba.
Ngokwengxelo, uSodolophu weSigqeba uye waqhagamshelana namapolisa esithili nawephondo ukuze enze isicelo
soncedo ukuqinisa iinzame zokukhangela kunye nokuhlangula ixhoba, nangona kunjalo, imvula ebithe gqolo iye yazilibazisa iinzame zoku.
Ukanti amapolisa aye aqinisekisa
amalungiselelo okuba amaqela okukhangela nawohlangulo aphumile ukuncedisa,
ngelixa amalungiselelo enkxaso yomoya esaqhubeka.
USodolophu oLawulayo uthi uthanda ukuthumela amazwi ovelwano kusapho, abahlobo,
esikolweni nakuluntu ngokubanzi ngeli xesha linzima. Uthi iingcinga kunye nemithandazo yabo ikunye nosapho lwexhoba kwaye beva kabuhlungu ukuphulukana nobomi bontwana oseze ngobuso ezweni
