Amapolisa aseNelson Mandela Bay abambe abarhanelwa abasixhenxe ekutyholwa ukuba babandakanyeka kuthotho lweziganeko zokubulala eziyanyaniswa nentlawulo ye-inshorensi. Isithethi samapolisa uColonel Priscilla Naidu uthi emva kweenyanga ezilishumi zophando olunzulu amapolisa afumene izigunyaziso zokubanjwa ukuze enze umsebenzi olungelelanisiweyo. Uthi abarhanelwa babanjwe izolo nangentseni yanamhlanje kumakhaya abo Kwanobuhle naseDespatch.
UColonel Naidu uthi eli gqiza belincediswa licandelo lase Komani lokuBulala nokuQhuba kunye neCradock Commercial Crimes Investigation ethi yayamanisa lo mbutho kuninzi lokubulala. Uthi abarhanelwa banxulunyaniswa nezi zenzo zokubulala ngonxibelelwano kunye nemigaqo-nkqubo ye-inshorensi. Izigebenga zokubulalana ezikudidi oluphezulu zenzeke eKwadwesi, Kwanobuhle, Despatch, Whittlesea naseKamesh. Abarhanelwa abathandathu babanjwe emakhayeni abo logama umrhanelwa wesixhenxe ebekhangelwa kwiziko loluleko iSt Albans nalapho ajongene netyala lokuba nompu ongekho mthethweni.
UColonel Naidu uthi bajongene namatyala alishumi elinanye okubulala kwakunye nobuqhetseba anxulumene namabango aliqela athe angeniswa. Uthi ngexesha lokugqogqa amapolisa aphinde ohlutha umpu, iimagazini ezintathu kunye neembumbulu ezingama-95. La madoda aphakathi kweminyaka engama-40 nama-52 kulindeleke ukuba avele kwinkundla kamantyi yaseKariega ngoMvulo.
