Amapolisa aseMthatha aphanda amatyala amane emva kokuba kubhaqwe imizimba emine ibulewe ngokumasikisi.
Isithethi samaPolisa kwiPhondo leMpuma Koloni uWarrant Officer Majola Nkohli uthi amaPolisa abiziwe kubusuku bangoMgqibelo kwindawo yaseKaplani, nalapho aye afumana imizimba emibini ingaphakathi kwisithuthi sohlobo lweBakkie kwaye itshisiwe, kunzima nokuba mayifaniseke.
Uthi esisithuthi sinalemizimba sesama Banjwa. Oka Nkohli uthi lamaxhoba bekunzima nokuwafaniswa. Ukwathe emva kweentsuku ezimbini baye babizwa kwakho kule lali nalapho baye bafumana eminye imizimba idada kwiDama elinzulu.
UNkohli ukwathi amaxhoba afunyenwe amanxeba amaninzi kwaye amagama wamaxhoba nguLungaFeya noLuthando Thingithini.
Uthi okwangoku kumiselwe iqela lophando kulamatyala.
