By Olwethu Mabhala.
Iqela lebhola ekhatywayo i-Siwelele Football Club eyayisaziwa ngeBloemfontein Celtic ithenge ngokusesikweni iSuperSport United, ngama R50 ezigidi (R50 Million) zeerandi. Oku kubhengezwe phezolo ngoLwesine kumhla wesithathu (3) kwinyanga yeKhala 2025 kweli loMzantsi Afrika. Oku kwenzeke ukuqhubela phambili ilifa le SuperSport United kunye nokwakha isahluko esitsha kwibhola ekhatywayo yase Mzantsi Afrika.
Ngenkqubo evaliweyo yokhuphiswano ngamaxabiso, iSiwelele FC inikwe ilungelo lokuthenga iSuperSport United, ngoku kulindelwe imvume yikomiti elawulayo ye-PSL. Usihlalo weqela, uCalvin Le John, uvakalise ukuzibophelela kwakhe ekwakheni ilifa kubantu base Bloemfontein nokuqhubeka nesiko lokuphumelelisa iSuperSport United, “Siyi Siwelele FC sinenyhweba yokunikwa uxanduva lokuqhubeka nesiko lokuphumelela kwi-PSL. ISuperSport kunye neMultiChoice zenze iqonga leminyaka engama shumi amathathu (30) esinqwenela ukwakha phezu kwalo, ukuba singafumana ivoti yokugqibela kwiKomiti elawulayo ye PSL,” utshilo usihlalo weqela uCalvin Le John.
“Ukuthengiswa kweliqela kuza njengoko iSuperSport isenza iinguqu zobuchule ukusivumela ukuba sihlale singoyena msasazi mkhulu e-Afrika kwaye singoyena mntu ukhuphisana naye kwihlabathi. Iinguqu kwimarike, kunye nesidingo sokwenza izinto ezintsha ngoku hambelana neshishini lethu elingundoqo, kuye kwanyanzeleka ukuba isikhokelo sigxile ukuvumela iSuperSport ukuba ihlale ingeyona mboneleli womxholo wezemidlalo ogqwesileyo kwilizwekazi kunye nenkokheli kuphuhliso losasazo,” utshilo umphathi weSuperSport, uRendani Ramovha.
Kanti ke ikhithi yeqela, uphawu, kunye nemibala yeqela iqinisekisiwe, imibala eluhlaza namhlophe yimibala ephambili. Kulindeleke ukuba ithathe indawo ye SuperSport United kwimidlalo yeLigi yeBetway Premiership kwisizini ezayo. Abanye abantu bakholelwa ukuba ukufudukela kweqela eBloemfontein ziinzame zokuvuselela ilifa leBloemfontein Celtic.