By Esona Magawana
U-Thandiswa Tokwe wase Mdantsane eMpuma Koloni owayesakuba ngumncedisi kwiKhaya likaSmuts Ngonyama nowakwakhe uNokwazi, uthi indlela ekwenzeka ngayo ngetyala lakhe imenza abenomrhano wenyawo lwesithathu eliqinisekisa ukungahambeli kweli tyala phambili ngenxa yesikhundla nefuthe lezopolitiko labakwaNgonyama.
Oku ukuthethe kwintlanganiso noonondaba ebibanjelwe e Vincent Park eMonti izolo umhla 29 KweyeDwarha 2025.
Eli tyala libandakanya izityholo zokuba uNokwazi Ngonyama, inkosikazi kalowo owayesakuba ngunozakuzaku woMzantsi Afrika eJapan, wabetha umsebenzi wasemakhitshini, uTandiswa Tokwe, eTokyo kweyeKhala 2023. Ingxelo yeNPA ithathe isigqibo sokumtshutshisa uNokwazi Ngonyama ngezityholo zokubetha ngenjongo yokwenzakalisa umzimba.
Iingxelo zibonisa ukuba elityala lijongene nokulibaziseka okuninzi, kunye nokuhlehliswa izihlandlo ezininzi kunye nezibheno. Ukusukela nge-29 kweyeDwarha 2025, umtshutshisi woluntu wazisa inkundla ukuba uMlawuli weSizwe woTshutshiso loLuntu (NDPP) wayengekasithathi isigqibo ngetyala. Umtshutshisi ubalule ukuba uAdvocate Gola, osuka kwiOfisi yoTshutshiso eBhisho, khange anike “zilungiso” ezifunekayo ukuze iNDPP ifikelele kwisigqibo. Ngenxa yoko, ummeli kaNkskz. Ngonyama wacela ukuba lo mba ucinywe kuluhlu, nalapho umtshutshisi woluntu akazange ayichase loo nto.
UTokwe uthi, “Namhlanje ndiphawula iminyaka emibini kanye emva kokuba ndivule ityala lokubethwa nguNkskz. Ngonyama kodwa ukuza kuthi ga ngoku, akukho sigqibo sele sithathiwe, kwaye akukho nkundla eyalelwe ukuba iphulaphule umcimbi wam. Ndibuhlungu kwaye ndidanile.”
Ukuza kuthi ga ngoku akukho nkundla eyalelweyo ukuba kuxoxwe elityala liphakathi kuka Tokwe no Mrs Ngonyama.
