Amapolisa abambe amanye amadoda amabini malunga nokubulawa kwepolisa laseGelvandale, uConstable Callan Andrews.
Isithethi seCandelo loBugebenga obuPhambili (Hawks), uWarrant Officer Ndiphiwe Mhlakuvana, uthi abarhanelwa, bobabini abaminyaka ingamashumi amabini anesixhenxe (27) ubudala, babanjwe babekwa ityala lokubulala nokuphanga.
UMhlakuvana uthi amapolisa aqale abamba amapolisa ngomhla wesine kweyoMqungu, nangona kunjalo, umntwana oneminyaka elishumi elinesibhozo (18) ubudala uye wakhululwa nanjengoko engenakunxulumana nesi senzo sokubulala. Knati omnye oneminyaka elishumi elinesixhenxe (17) ubudala usavalelwe.
“Uphando olunzulu olwenziwa ngooKhetshe lukhokelele ekubanjweni kwabarhanelwa eGqeberha, kwaye kulindeleke ukuba bavele enkundleni okokuqala phambi kwenkundla kamantyi waseGelvandale ngomhla wesibhozo (08) kweyoMqungu 2025. Nangona kunjalo, iinkcukacha ezithe vetshe ngalo mcimbi azizukuchazwa okwangoku, njengoko lo mcimbi usaphandwa,” utshilo.
U-Andrews wabulawa emva kokusabela kwisikhalazo kwindlela iVoisen eKatanga, eGqeberha.
OoKhetshe bathi uAndrews waphangwa ze wadutyulwa ngompu wakhe.
“UAndrews wabalekiselwe kwesona sibhedlele sikufutshane nalapho wafika wabhubha ngenxa yenxeba lembumbulu,” utshilo uMhlakuvana.
Ibambela lentloko yeeHawks ephondweni, uBrigadiya Fernando Luis, uncome iinzame ezidibeneyo zeqela ngomsebenzi omkhulu owenziweyo ngexeshana elifutshane.