By Siphiwo Boqwana.
IMotherwell Football Association ibidlala imidlalo yeligi yebhola ekhatywayo kwimpelaveki esiphuma kuyo kwizigaba ezimbini (2) kwiPremier nekwisigaba sokuqala. Le midlalo ibidlalelwa kumabala ebhola ekhatywayo, eMotherwell.
Nazi iziphumo ze-Premier League zeMOFA i-Arsenal FC ne-FC Eagles zibambene ngenqaku macala (1-1), i-Young Ideas FC ne-Bay Eagles FC zidlale ntanganye ngeqanda macala (0-0).
I-Tomorrow Stars ibethe i-Black Vultures ngenqaku elinye kwiqanda (1-0), i-M.S.E FC ibhaxabule iChannel Porto FC ngempama (5-0) i-Porto ayaphendula nangocikicane.
I-Young Ideas ibambene neDema Dev ngenqaku macala (1-1).
Iziphumo zesigaba sokuqala i-Prince Academy FC itsalelwe ii- soft points yi-Camper United FC, yaze i-Motherwell United FC yangcwaba ikwanqunqela egoqweni iqela i-Young Madrid FC ngamanqaku asixhenxe kwiqanda (7-0).
I-Motherwell Envoy ibhaxabule i-Shining Stars ngamabini amanqaku kwiqanda (2-0) yaze iNgwe Stars FC ne-Lion City FC zadlala ntanganye ngamabini amanqaku macala (2-2).
