Iqela labaphembeleli, i-AfriForum, lithi liceba ukuthatha inyathelo ngokutshutshisa bucala uNobhala Jikelele we-African National Congress (ANC) uFikile Mbalula ngezityholo zobuqhophololo ngethuba enguMphathiswa wezeMidlalo.
Ngokwengxelo yeendaba zeSABC, icandelo lezotshutshiso labucala le-AfriForum lithi ngoku liphethe idokhethi yetyala lakhe elinxulumene neholide yosapho lwakhe eDubai ngo-2016.
Kunyaka ophelileyo, iGunyabantu lezoTshutshiso (NPA) lagqiba ekubeni lingamtshutshisi uMbalula ngalo mba ngenxa yokunqongophala kobungqina obunxulumene nezityholo zolwaphulo-mthetho malunga nenkcitho yemali yoluhambo.
ISithethi seAfriForum uBarry Bateman uthi, bayamkele ingxelo kaMbalula yokuba imali awayifumana kwaSedgars, ngelo xesha yayiyinkampani ethengisa ngobuchule kwiSASCOC, yayiyimboleko.
