Ibingumbono omhle, ngethuba amaqela omxhentso nomdaniso wesintu ebehamba kwizitalato zase Phumlani kulempela veki, embeje-mbeje kwizivatho sesintu, abancinci nabadala ngamxhelo mnye bebonosa ubuhle inkcubeko yakwantu kumnyadala obizwa IBali Lam.
Ibingama yeyeye, kukhala amakhwelo ne ngqongqo, abantu bokuhlala benelunda ngumbono ongaqhelekanga, amagcisa enkcubeko ebezibonakalisa ukuzingca ngemvelaphi nobuntu bamaAfrika.
UMnu-Simphiwe Botile, nongumseki walomnyhadala, akawuvali umlomo ngendlela ebelungise ngayo amaqela ebethatha imxhaxheba kulomnyhadala nange ndlela abazali noluntu jikelele abathe babonisa inkathalo noku zingca kwabo ngalomnyhadala.
Obemele uCCIFSA kwingingqi ye BCMM, uMnu Samora Gxala, uthe iminyhadala efana nale ibalulekile ukuqinisekisa ukuba inkcubeko yeli ayilahleki kwelixesha lokukhula kwemontlalo yase Ntshona ye Afrika, kanti uMnu. uWandile Ntlanganiso, ongu Chairperson we Gompo Arts Center uthe yena, iinkqubo ezikumila kunje ziyancedisana nokwakhiwa kwezimilo zabantwana nokuba susa kwizenzo zolwaphulo mthetho neziyobisi.
Lomsitho ubuku kunyaka wesine uqhuba, kwaye uyabonakalisa ukuba usaya kude.
