Imfundo siSitshixo sempumelelo kwikamva eliqaqambileyo.

August 19, 2022

Dsrac Eastern Cape (Ithala leencwadi kummandla waseMbhashe) libambisene noMasipala waseMbhashe sele liqalisile ukubhiyozela Iveki yethala leencwadi yesizwe (National Library week). Umsitho ububanjwe ngomhla we-16 kuTshazimpuzi 2022, eLower Mbhangcolo kuGatyana.

Injongo yalomsitho ibikukufundisa abantwana indlela yokufunda kwanokubakhuthaza ukuba bawandwendwele amathala encwadi kwindawo abahla kuzo kananjalo nokukhuthaza abantu abadala ngokufunda.

UMama uMatshezi uye walizwa ngesipho nje ngoyena mzali ulindwendwelayo Ithala lencwadi. Lomsitho ubunokhuphiswano lwabantwana bezikolo zamabanga aphakamileyo eziquka i- Willowvale S.S.S, Nqabarha S.S.S, Nomaka-Mbeki Technical School, Ngwenze S.S.S kunye neMida High school. Olu khuphiswano belusenziwa ngelwimi lesiXhosa neSingesi luquka ufundo lwencwadi, upelo lwamagama kunye nohlalutyo lwencwadi.

Baxhwitha- xhwithene ke abafundi apho kwade kwaphumelela wamnye kumsebenzi ngamnye ubusenziwa. Kubafundi abaphumelele indawo yokuqala baza kuqhubeka nokhuphiswano besingise ePedi kwiveki elandelayo.Sithi huntshu!!