USodolophu waseNelson Mandela Bay uGary van Niekerk, ukhokele uqhankqalazo lokucima umbane eGqeberha ngoLwesine umhla wethoba kuCanzibe ngelinge lokubuyisela iR13,8 yeebhiliyoni zeerandi etyalwa ngabahlali abangabhataliyo kunye namashishini esixekweni.
Ngokukamasipala, eyona nto ifunekayo kukuba kuqokelelwe umyinge
wamashumi alithoba anesine ekhulwini (94%) wepesenti.
Exhobe ngabasiki bebholithi, umbane, kunye nabasebenzi besebe lamandla, kunye noluhlu olude lwabangasebenziyo, kuquka amashishini kunye nabanini-akhawunti kwindawo yaseSummerstrand, Lovemore Heights, kunye neWalmer, uVan Niekerk ukhokele eli phulo.
Eli qela lityelele laza laqhawula umbane kumakhaya angamashumi amathathu anesibini nakwiindawo zoshishino ezisibhozo.
Abo bangabolekiyo nabayinxalenye yephulo langoLwesine lokuqhawula unxibelelwano bebonke batyala umasipala ombaxa imali efikelela kwi-R14.8 yezigidi zeerandi.
Abanini-akhawunti abasemva ngamatyala eSummerstrand batyala imali engaphaya kwe-R6.5 yezigidi, iLovemore Heights ityala i-R1.7 yezigidi, kunye nengingqi yaseWalmer etyala i-R2.3 yezigidi, ngelixa amashishini asibhozo ewonke esemva ngemali engaphaya kwe-R4.5 yezigidi.
Kwelinye lamakhaya aseSummerstrand apho umninimzi atyala imali engaphaya kwamakhulu asibhozo amawaka eerandi (R800 000), kubonakala ngathi imitha yombane yalo masipala itokoliwe.
Ekungeneni kwayo, le bhokisi yombane ibonise ukuba ayinazo iiyunithi zombane, kodwa izibane zikhanyisiwe, yaye kusetyenziswa izixhobo ezinje ngoomabonakude.
Kwiminyango nje embalwa endleleni, uVan Niekerk neqela lakhe bankqonkqoze endlwini apho umnini-akhawunti ebesemva nge-R2.5 yezigidi zeerandi.
Nangona umntu wayekrobe ngefestile ekumgangatho wesibini, akukho mntu uvule icango ukuze bangene.
Iingxelo zidiza ukuba ukwemba kuya kuqalisa phambi kweyadi yakhe ukususa intambo ehambisa umbane endlwini yakhe.
Abo baneebhokisi zombane ezingekho mthethweni nezitswetyiweyo, bahlawuliswe iR4 000 umntu ngamnye.
Uthe eminye imiba abajongene nayo ibandakanya abantu abangavumiyo ukuba bangene kwiindawo zabo (njengoko benyanzelekile ukuba benze njalo) kunye nabanye abaye babhuqa iimitha baza bazidibanisa kwakhona.
“Nangona la manyathelo ekhangeleka ngathi anesohlwayo, sisazama ukulungisa indlela yokuziphatha engachanekanga yomhlali.
“Sifuna ukukhuthaza abantu ukuba bahlawule ii-akhawunti zabo kwaye babambelele kumalungiselelo entlawulo,” utshilo uvan Niekerk.
Uyibethelele into yokuba umasipala uyayidinga ingeniso ukuze abonelele ngeenkonzo kubahlali ingakumbi abo bangathathi ntweni.
U-Van Niekerk ukwathe amanye amakhaya abawandwendweleyo “ziintsika” ezinamagumbi okulala asibhozo ukuya kwalishumi.
“Okubuhlungu kukuba yindawo yokuhlala yabafundi le, nto leyo ethetha ukuba umnikazi wendawo uqokelela imali yerenti rhoqo kodwa akawubhatali mbane.
Ukuya phambili, iphulo loqhawulo lombane liya kuqala rhoqo ngooLwezine.
