By Asipile Kitchen.
UMkomishinala obambeleyo wePhondo, uMaj Gen Thandiswa Kupiso, uncome uMkomishinala weSithili saseNelson Mandela Bay, uMaj Gen Vuyisile Ncata, kunye namagosa asebupoliseni eSithili saseNelson Mandela Bay ngokuzinikela okungagungqiyo. Ukuthatha kwabo inxaxheba kwimisebenzi eyahlukeneyo kube luncedo ekwandiseni ukhuseleko loluntu lwasekuhlaleni.
Imisebenzi emithandathu (06) yeShanela iye yaqhutywa ngempelaveki ukusuka ngomhla wamashumi amathathu ananye (31) kweyeKhala ukuya kowesithathu (03) kweyeThupha 2025, kulo lonke elaseNelson Mandela Bay. Eli phulo ligxile ekumiseni rhoqo nasekugqogqeni, ukuvalwa kwendlela, iindawo zokukhangela izithuthi, ukujikeleza ngeenyawo, ukukhangela abarhanelwa abafunwayo, ukuthinjwa kwemipu engekho mthethweni kwakunye nokutyelela iindawo ezithengisa utywala neethaveni.
Ngeli xesha likhankanyiweyo isibhozo (08) imipu esibhozo eyathinjwayo, kwaye abarhanelwa abalikhulu namashumi mabini anethoba (129) bathinjwa kulwaphulo-mthetho olwahlukeneyo phakathi kwabo, abarhanelwa abangamashumi amabini (20) bolwaphulo-mthetho lokunxibelelana, abarhanelwa abangamashumi abasixhenxe anesibini (72) kulwaphulo-mthetho olunxulumene neziyobisi, abarhanelwa abalishumi elinesibini (12) bokuqhuba benxilile kunye nabarhanelwa abasibhozo (8) ngokufunyanwa nemipu engekho mthethweni kunye neembumbulu.
Abaqhubi beenqwelo-mafutha baye bamiswa kwiindawo zokujonga izithuthi, kunye nabaqhubi abalishumi elinesibini (12) ababanjelwe ukuqhuba benxilile kwaye phantse iimoto ezingamawaka amabini namakhulu amahlanu (2500) zagqogqwa ngexesha lolo phulo.
Abacuphi babambe abarhanelwa abangamashumi amathathu anesixhenxe ngethuba begqogqa eGqeberha ngezenzo zolwaphulo-mthetho ezohlukeneyo kwaye ingqwalasela eyodwa inikwe kumatyala anxulumene nobundlobongela obuphathelele kwezesini.
Ezinye iimpumelelo kunye nokuthinjwa ziquka amashumi amane anesibhozo (48) ezohlwayo ezinxulumene nezithuthi eziye zakhutshwa, izohlwayo ezingamashumi amabini anesine (24) ze-J534 ezikhutshiweyo (ukungathotyelwa koMthetho woTywala kunye noMthetho oyiSecond Hand Goods Act), amakhulu amathathu anamashumi amathathu anesihlanu (335) iipilisi zemandrax, i-22.001 grams zomgubo wemandrax, i-6.7kg yentsangu, 25.501 grams zecocaine nama-95.442 zeegrams ze-Crystal Meth.
UMaj. General Kupiso ugxininise ngelithi, “Enkosi kwezi nzame, sibone ukuhla okuphawulekayo kweziganeko ezixeliweyo kwiindawo ezininzi. Ukubonakala okuphezulu kwamapolisa kunye nothethathethwano olubambekayo noluntu komelezile ukuthembana koluntu, okomeleza ngakumbi ukusebenza kwezicwangciso-qhinga zethu zokuthintela ulwaphulo-mthetho phantsi kwe-Operation Shanela II. Siza kuyigcina le misebenzi ixinene kakhulu de siluqhawule ngokupheleleyo uthungelwano lolwaphulo-mthetho.”