By Asemahle Mbete.
Inkundla yaseMpuma Koloni ithi uSizwe Kupelo ufumene umsebenzi ophezulu ngaphandle kwesidanga.
UNontuthuzelo Khumalo uphinde waxelela inkundla ukuba ukuqeshwa kwakhe akukho mgaqweni, nanjengoko engenaso isidanga. Uxelele inkundla ukuba wawuphakamisa umba wokuqeshwa kukaKupelo ngokungekho sikweni kumphathi wakhe, kodwa waxelelwa ukuba aqhubele phambili nokuvuma ukuqeshwa kwakhe.
Wongeze ngelithi wafumanisa ukuba umhla wokuzalwa kwisatifikethi sakhe sebanga leshumi awuhambelani naleyo ikuxwebhu lwakhe lwesazisi. Waphinda waqinisekisa ukuba uKupelo usifakile isatifikethi sebanga leshumi.
“Usingenisile isatifikethi sebanga leshumi. Ndasibona kunye namaxwebhu akhe, kungoko ndiye ndaya kumphathi wam ndamazisa ukuba lo mviwa akafikeleli kwiimfuno kuba uthi ufuna isidanga okanye idiploma kwaye unebanga le-12 kuphela.”
Isithethi seNPA kwingingqi uLuxolo Tyali uqinisekile ukuba banetyala eliqinileyo ngakuKupelo.
“Isatifikethi esasingenisiwe yayingesiso esakhe. Nokuzithethelela kwakhe kuvumile ukuba akanaso isiqinisekiso sematriki. Amangqina ethu ebenokuthi iinkqubo zengqesho azikhange zibekho.”
Eli tyala limiselwe umhla wamashumi amabini anesithoba (29) kwinyanga yeDwarha 2025, nalapho kulindeleke ukuba kuwiswe isigqibo malunga nokwamkelwa kwengxelo efungelweyo yengqina elibhubhileyo.
