Iqalile namhlanje indebe yehlabathi yeqakamba eWest Indies naseMelika kwiT20, lendebe iqala namhlanje umhla wokuqala kude kube ngumhla wamashumi amabini anethoba (1-29) kule yeSilimela 2024.
UAiden Markram udlala okokuqala (1) kwindebe yehlabathi yeT20 njengomkhokheli weqela. Zange yayiphumelela nenjani indebe yehlabathi iProteas ngethemba lokuba bangakwazi ukwenza kwenzeke ngoku.
Umdlalo wokuqala weProteas uzakuba ngomvulo umhla wesithathu (3) kule yeSilimela ngeCala emva kwentsimbi yesine (16h30), lo mdlalo uzakube udlalelelwa eMelika kumabala iNassau County eNew York neqela iSri Lanka.
UMzantsi Afrika uzakudlala umdlalo wesibini (2) ngoMgqibelo umhla wesibhozo (8) kwiveki ezayo neNetherlands iphinde iqubisane neBangladesh ngomvulo umhla weshumi (10) kwakulenyanga kwakwelabala laseNew York ize idlale owokugqibela neNepal kumabala iArnos Vale eSt Vincent eWest Indies ngomhla weshumi elinesine (14) kulenyanga
By Siphiwo Boqwana
