ISebe lezeMpilo eMpuma Koloni belibambe indibano nabasebenzi beeNkonzo zoNyango oluNgxamisekileyo kunye nabasebenzi beeNkonzo zeForensic ezibandakanyekileyo kwinNtlekele yaseMthatha.

By Asemahle Mbete.

ISebe lezeMpilo eMpuma Koloni liqhube iseshoni yeentsuku ezimbini eMpekweni Holiday Resort, yeeNkonzo zoNyango oluNgxamisekileyo kunye nabasebenzi be-Forensic Pathology ababe bandakanyeke kumaphulo okukhangela nokuhlangula kwintlekela yaseMthatha.

Le seshoni ibijolise ekuxhaseni impilo-ntle yengqondo neemvakalelo zabasebenzi abaye badlala indima ebalulekileyo ekulawuleni iziphumo zale ntlekele.

Abasebenzi bajongene neentlobo ngeentlobo zoxinzelelo oluhambelana nokubona izinto ezoyikekayo nezibuhlungu kwaye bajongene noxinzelelo lwengqondo nolweemvakalelo.

Iinkonzo zoNcedo ziye zanikezelwa ngooGqirha ababini beNgqondo kunye neeTherapist ezimbini. Aba basebenzi boNcedo banikezele ngenkxaso yeemvakalelo kunye neengcebiso kubasebenzi. Oogqirha beNgqondo kunye neeTherapist bancedise abasebenzi ukuba baqhubele phambili amava abo kwaye balawule uxinzelelo olunxulumene nemisebenzi yabo ngexesha lentlekele.

Izithethi zithethe neqela malunga neendlela zokujongana neengxaki, ukwakha ukomelela kunye nezicwangciso zokujongana nefuthe leengqondo ezinxulumene nomsebenzi wokuphendula kwiintlekele. Imisebenzi yeqela incedise ekwakheni umoya wobudlelwane kunye nenkxaso phakathi kwabasebenzi.

Omnye wabathe basabela kwiiNkonzo zoNyango oluNgxamisekileyo ophuma kwisithili saseChris Hani, uMnumzana uQiniso Nene uthethe ngeziganeko ezihlasimlis’ umzimba athe wadibana nazo.

UGqirha Mtandeki Xamlashe, uSekela Mlawuli-Jikelele weZibhedlele neNkxaso yoNyango bavakalise umbulelo ongazenzisiyo weSebe kuBasebenzi ngokuzinikela kunye nobugorha.

UMEC wezeMpilo eMpuma Koloni, uNksz Ntandokazi Capa, udumise abaSebenzi ngesibindi sabo phambi kweemeko ezinzima. Uthe: “Ukuzinikela kwenu kuqinisekisile ukuba izidumbu ziyafumaneka ukuze iintsapho zifumane uxolo.”

Wongeze wathi: “Nime phambili, nisbeenza ngobugorha ngexesha apho kubekho imfuneko enkulu.”

Iseshoni yokuPhicothwa ibonisa ukuzibophelela kweSebe ekuboneleleni ngenkxaso kubasebenzi bethu abangaphambili, abaqhubeka besebenzisa umsebenzi omkhulu wokunikezela ngempilo esemgangathweni kubantu bethu.

Ibe yimpumelelo, kwaye iphuhlisa inkqubo yabasebenzi yesebe ejolise ekuphuculeni impilo-ntle yabasebenzi.