By Nyameka Lamani
Kwisigwebo esikhutshwe yiNkundla ePhakamileyo yaseRhawutini izolo umhla wesine(04)kweyeDwarha ithi u-Operation Dudula akanalungelo okanye amandla okuthintela abemi bangaphandle abangabhaliswanga ekufikeleleni kunyango kunye nezikolo.Oku kulandela ityala eliziswe liziko lezoQoqosho loMzantsi Afrika iSERI(Socio-Economic Rights Institute of South Africa).
Inkundla ifumanise ukuba izenzo zika Operation Dudula ziquka ukuhlukumeza, ukugrogrisa, kunye nokuhlasela abemi bangaphandle.Isigqibo sichaza ukuba izenzo zika-Operation Dudula azikho mthethweni kwaye ziveza ukuthiywa kwabemi bangaphandle. Ngenxa yoko, abavumelekanga ukuba bavale ukufikelela kwiikliniki nasezikolweni.
Umlawuli wamatyala eSERI, uNkosinathi Sithole, uvakalise ukubaluleka kwesi sigwebo nakuMgaqo-siseko woMzantsi Afrika. Uchaze ukuziphatha kuka-Operation Dudula,ukuthintela ukufikelela kwiinkonzo ezibalulekileyo kunye nokunyanzeliswa kwabantu babonise izazisi zabo, njengolwaphulo-mthetho kwaye ngoku akukho mthethweni.
USithole uyibethelele into yokuba abomthetho badinga ukugqogqa ngokufanelekileyo okanye babene zigunyaziso zokubamba ukuze bagqogqe amakhaya kwaye kufuneka babe nesikrokro esibambekayo phambi kokuba babuze umntu ngobume bakhe esidlangalaleni.
Amalungu ombutho i-Operation Dudula ngaphandle kwenkundla adize ukuba azakusigcina isimo sawo kwaye aqhubeke nemisebenzi yawo ezitalatweni, ecebisa ngelithi baceba ukungasihoyi isigqibo senkundla.