By Anita Qubula.
Amalungu egqiza lamapolisa abambe abarhanelwa abahlanu (5) ngetyala elinxulumene neteksi eLusikisiki kwiveki ephelileyo nalapho kubulawe uGcinithemba Ndila oneminyaka engamashumi amahlanu (50) ubudala.
Isithethi samapolisa aseMpuma Koloni, uWarrant Officer Majola Nkohli, uthi amapolisa athathe imipu emibini kunye nompu oyi-Automatic, ngolwasemzini, ngethuba kuqhutywa amaphulo ale veki.
Uthe iphulo lokuqala lokubulala uNdila lenziwe ngoLwesine xa bekubanjwa umrhanelwa wokuqala ze kwafunyanwa izixhobo.
UNkoholi uthi umrhanelwa ubekwe ityala lokuba nompu kunye neembumbulu ezingekhomthethweni lo gama uphando lukwajonge ukuba anganxibelelana na nolunye udubulo olunxulumene noonoteksi.
“Kufunyenwe neselula kaNdila,” utshilo.
Kusenjalo, abanye abarhanelwa abane, abaphakathi kweminyaka engamashumi amabini anesihlanu (25) namashumi amathathu anesibini (32) ubudala, baye babanjwa liqela elijongene noku.
UNkholi uthe aba bahlanu (5) bazakuvela kwinkundla kamantyi eLusikisiki namhlanje (ngoMvulo) ngezityholo zokubulala, ngelixa omnye ejongene nelinye ityala elinxulumene nomthetho i-Firearms Control Act.
UMkomishinala wePhondo uLieutenant-General Nomthetheleli Mene ukwamkele ukubanjwa kwabo, esithi amapolisa “avalelene kumaqela” ekukholelwa ukuba ngawo aphembelela udushe loonotekisi.
