Burgersdorp, 21 June 2024 : Iinzame zamalungu esipolisa aseBurgersdorp zokuthintela ukwebiwa kwemfuyo ziphumeze iziphumo ezintle ngexesha kubanjwa abarhanelwa ababini abaphakathi kweminyaka engamashumi amabini anesibhozo (28) kunye namashumi amahlanu anesine (54) ubudala eBurgersdorp.
Amalungu esiPolisa aseBurgersdorp alandelele umkhondo emveni kokufumana ulwazi malunga neegusha ezibiweyo zithengiswa, ze akhawuleza aleqisa kulongingqi ngokuncediswa liCandelo leMfuyo ebiwayo.
Uphando olwenizweyo lukhokelele kwizindlu ezintandathu eziseDubai naseThembisa apho kufunyenwe umzimba weegusha ezibuleweyo.
Ulwazi obelufunyenwe ngamapolisa belusithi ezigusha zibiwe kwifama engaphandle nje kwaseBurgersdorp. Ngexesha kugqogqwa kwezi zindlu kufunyenwe igusha eziphilayo ezilishumi elinethoba (19), amathumbu, heads kunye namanqina eegusha ezilishumi elinesibhozo ezixheliweyo kude kufuphi nedama lale ngiqngi.
Kwigusha ezingamashumi amane ebezixelwe njengezibiweyo, amapolisa akwazile ukubuyisa ezingamashumi amathathu anesixhenxe ezixabisa isixa-mali esingamawaka alikhulu (R100 000) leerandi, ze zabuyiselwa kumnini wazo.
UMkomishinala weSithili saseJoe Gqabi uMajor General Lindelwa Vellem uncome amalungu ngokusabela ngokukhawuleza ekuqinisekiseni ukufunyanwa nokubanjwa njengoko ubusela bemfuyo buchongwa njengolwaphulo-mthetho oluphambili kulo mmandla kwaye ukubanjwa kwabo kubonwa njengempumelelo kuphando lwabo.
