By Asipile Kitchen.
INkonzo yamaPolisa oMzantsi Afrika (SAPS) eMpuma Koloni ithimbe amayeza angekho mthethweni kunye nezinto ekurhaneleka ukuba zezomgunyathi ezixabisa malunga neR2.2 yezigidi zeerandi ngethuba lomsebenzi wamapolisa iphulo eKorsten, eGqeberha, ngoLwesithathu, umhla wamashumi amathathu (30) kweyeKhala 2025.
Lisebenza ngokobuntlola obunikwe yiOfisi yeSAPS Sea Border, iqela lamacandelo ngamacandelo aquka iBorder Policing (i-CDSI Airport), iYunithi ye-K9, ubuNtlola boLwaphulo-mthetho, kunye nee-arhente ziye zagqogqa kwivenkile ethengisa izinto ezinkulu kwiNdela iDurban nakwi-Warehouse kwiNdlela iDaisy e-Korsten.
Eli phulo lijolise kuthungelwano lolwaphulo-mthetho lwezizwe ngezizwe olubandakanyeka ekusasazweni kweempahla ezingena layisenisi nezinokuba yingozi.
Izinto ezithinjiweyo ziquka i17 430 yepilisi zeViagra, 224 yengxowa zeViagra Jelly, amacwecwe eAdcodol angama-2 640, amacwecwe eApetito angama-6 480, 3 560 yezixhobo zovavanyo lokukhulelwa, 4 680 zeekhrim zokuthambisa ulusu, 648 iibrashi zamazinyo zaseColgate, 1 584 iiyunithi zeKiwi Shoe Polish kunye ne-106 yemigibe yeempuku. Ixabiso lesitrato lilonke liqikelelwa kwi-R2,200,000 yezigidi zeerandi.
Eli phulo luye lwaqukunjelwa ngaphandle kokwenzakala, ukonakala kwempahla, okanye ukubanjwa.
Uphando luyaqhuba, iSAPS isebenzisana noGunyaziwe woLawulo lweeMveliso zeMpilo yaseMzantsi Afrika (i-SAHPRA) kunye nabanini beempawu ukuze baqinisekise ngeempahla ezithinjiweyo.
Obambeleyo uMkomishinala wePhondo leMpuma Koloni uMajor General Thandiswa Kupiso uthe, “Olu luthimbo lwe-R2.2 yezigidi zeerandi luphazamisa amashishini olwaphulo-mthetho asebenzisa ukhuseleko lwabathengi ukuze afumane inzuzo.”
