ISharks zoMzantsi Afrika zindwendwela eLondon kwelaseNgilane kule mpela veki siya kuyo ngolwesihlanu umhla wamashumi amabini anesine(24) kuCanzibe.
IiSharks zoMzantsi Afrika zizakuqubisana neGloucester kumabala iTottenham Hotspurs eLondon kumagqibela kankqoyi wendebe iEPCR Challenge.
Abhengeziwe amagosa azakulawula kulomdlalo, usompempe ngonamava uMathieu Raynal waseFrance noneminyaka engamashumi amane anesibini(42) ubudala nokulindeleke ukuba abeke phantsi emva kokuphatha imidlalo engamashumi amane anethoba(49), lo sompempe uzakube eqala ukuvuthela impempe kulendebe kumagqibela kankqoyi.
URaynal uzakube encediswa nguPierre Brousset waseFrance noAndrew Brace waseIreland nabazakubaleka emgceni, yena uEric Gauzins waseFrance ukwiTMO ukutsho oko ngusompempe womabonakude. URaynal ubekwa kwindawo yeshumi elinesithathu(13) kwihlabathi njengosompempe onamava ehlabathini.
By Siphiwo Boqwana
