Ngamaqela angamashumi amane anesibhozo azakuthabatha inxaxheba kwindebe yaseAfrika.
IConfedaration of African Nations ibhengeze indawo nomhla ekuzakuthelekiswa ngawo amaqela ebhola ekhatywayo wezizwe zaseAfrika. Oluthelekiso lwenzelwa imidlalo yeNdebe yeCaf African Nations nezakuqhuba kunyaka ozayo ka2025.
Lemidlalo yeyokuzibekela indawo kulendebe nezakubanjelwa kwilizwe laseMorocco. Lombutho webhola ekhatywayo waseAfrika ubhengeze ukuba oluthelekiso luzakubanjelwa kwiphondo laseRhawutini kweli loMzantsi Afrika.
ICaf ibhengeze ngolwesine umhla weshumi elinesithathu (13) kule imiyo nalapho ivakalise ukuba lomsitho uzakubanjelwa kumagumbi osasazo eSupersport ngomhla wesine (4) kwinyanga ezayo ngecala emva kwentsimbi yesibini (14h30) emva kwemini ngokwexesha loMzantsi Afrika.
Ngamashumi amane anesibhozo (48) amaqela azakufakwa emnqwazini ngethuba kuthelekiswa lamaqela ukuquka amaqela amane (4) athe aphumelela kwimidlalo yokuzibekela indawo kulomsitho wothelekiso, loo mazwe yiChad, iLiberia, iSouth Sudan kwakunye neEswatini.
IiGroup zilishumi elinesibini (12) nekuzakubakho amaqela amane (4) kwiGroup nganye (1).
Amaqela azakuthabatha inxaxheba koluthelekiso ziinjinga zaseAfrika iCote d’IVoire, ibe yiAlgeria, iAngola, iBenin, iBotswana, iBurundi, iCameroon, iCape Verde, iChad, iComoros, iCentral African Republic, iTanzania, iTogo, iUganda, iZambia, iZimbabwe, iSouth Africa, iSouth Sudan, iSudan, iNigeria, iNamibia, iNiger, iSenegal, iSierra Leone, iSao Tome and Principe, iMauritania, iMadagascar, iMalawi, iMali, iLesotho, iLiberia, iLibya, iEgypt, iEquatorial Guinea, i-Eswatini, iEthiopia, iGabon, iGambia, iGhana, iGuinea, iGuinea Bissau, iKenya, iMorocco, iMozambique, iRwanda, iTunisia, iCongo neDR Congo.
Le midlalo yokuzibekela indawo kukhuphiswano lendebe yaseAfrika yamazwe izakuqala ukudlalwa kwinyanga yoMsintsi kulonyaka nangona kunjalo awukaziwa umhla, iCaf ithe isezakuwazisa.
Ngokudlalwa kwalemidlalo kulungiselelwa itumente yamashumi amathathu anesihlanu (35) iqhuba nezakubanjelwa kwilizwe laseMorocco kunyaka ozayo ka-2025. Ngamaqela angamashumi amabini anesine (24) azakuthi aphumelele ukuya kudlala kuletumente eMorocco kunyaka ozayo.
By Siphiwo Boqwana
