Umasipala wesithili sase OR Tambo uthi ithontsi ngalinye lamanzi elifikelela ekhayeni liqala ngeziseko ezinje.
Emva kweempompo emakhayeni, ezikolweni nakwiikliniki uthi lomapsipala kukho uthungelwano lwamadama, iimpompo, imibhobho kunye neenkqubo zonyango ezisebenza imini nobusuku ukuhambisa amanzi apho afuneka khona kakhulu.
Kwidama laseMthatha, uMasipala weSithili sase-O.R. Tambo uphumeza iprojekthi ebalulekileyo yokuqinisa le nkqubo ngokwakhiwa kweRaw Water Pumpstation edibene nokuphuculwa kweThornhill Water Treatment Works.
Esithi kwingxelo yakhe le ayisiyondawo yokwakha nje kuphela, kodwa yinxalenye yomzamo wexesha elide wokuqinisekisa nokuzinzisa ukunikezelwa kwamanzi kuluntu lwaseMthatha nakwiindawo ezingqongileyo.
Ngotyalo-mali lwe-R49.8 yezigidi, le projekthi sele igqityiwe ngaphezulu kwe-77%, nto leyo ebonisa inkqubela phambili eqhubekayo eya kugqitywa ngenyanga yoKwindla ka2026.
Nje ukuba igqityiwe, iziseko ezitsha ziya kuphucula ukuhamba kwamanzi ukusuka kwidama laseMthatha ukuya kwiindawo zonyango, ziqinise inkqubo ekugqibeleni ehambisa amanzi akhuselekileyo kuluntu. Uthi okubalulekileyo kukuba, le projekthi ikwadala amathuba ekuhlaleni.
Sele kusetyenziswe imali engaphezulu kwe-R1.2 yezigidi kubasebenzi basekuhlaleni nakwirenti, ukuqinisekisa ukuba uphuhliso lukwaxhasa iindlela zokuphila ngaphakathi kwesi sithili.
Njengeeprojekthi ezininzi zeziseko zophuhliso, umsebenzi ufune ulawulo olucokisekileyo lwemingeni yobugcisa endleleni.
Nangona kunjalo, inkqubela phambili iyaqhubeka njengoko amaqela asemhlabeni eqhubela phambili ukubonelela ngeziseko zophuhliso ezixhomekeke kuluntu.
KuMasipala weSithili sase-O.R. Tambo, iiprojekthi ezinje zingaphezulu nje kwemibhobho neempompo.
Kodwa umasipala uthi zimalunga nokukhusela isidima sabantu, ukuqinisa ukuhanjiswa kweenkonzo, kunye nokwakha ikamva apho unikezelo lwamanzi oluthembekileyo luba yinto eqhelekileyo endaweni yokwahluka.
Umsebenzi uyaqhubeka. Inkqubela phambili iyenziwa.
Inyathelo ngenyathelo, iinkqubo ezixhasa uluntu lwesithili ziyaqiniswa.
Kuba amanzi bubomi, kwaye ukuwagcina ehlala eyinto ephambili kubantu base-O.R. Tambo.
